Ailgylchu: 

Llyfrgell Cewynnau Casnewydd – Astudiaeth Achos

DYSGU MWY
bulletin dot

Newyddion pwysig: 

Ailddefnyddio a benthyg yn dod ynghyd yn Aberdâr

DYSGU MWY
Gyrfaoedd a Gwirfoddoli
Chwilio
ENG  |  CYM

Sylfaen Driphlyg

Mae Wastesavers yn gweithio'n unol â sylfaen driphlyg, sy'n golygu bod perfformiad cymdeithasol, amgylcheddol ac ariannol o bwysigrwydd cyfartal inni.

Archwilio Elusen

Sylfaen driphlyg

Ein Gwerth Cymdeithasol yn Wastesavers

Mae Wastesavers yn gweithredu fel menter gymdeithasol sy'n darparu buddion amgylcheddol, cymdeithasol ac economaidd i'r cymunedau a'r holl randdeiliaid rydym yn gweithio gyda nhw - enw arall ar hyn yw'r 'Sylfaen Driphlyg'.

Sylfaen Driphlyg

Mae Wastesavers yn gweithio’n unol â Sylfaen Driphlyg; Mae hynny’n golygu bod yr amgylchedd, pobl a chyllid i gyd o bwysigrwydd cyfartal inni. Ym mhopeth a wnawn rydym yn sicrhau ein bod yn rhoi blaenoriaeth i’r amgylchedd (wedi’r cyfan, dyna’r rheswm pam ein bod yn gwneud yr hyn a wnawn!). Felly hefyd ein pobl – ein staff a’n gwirfoddolwyr, ein cymuned a’n rhanddeiliaid. Rydym yn gwneud hynny i gyd ar yr un pryd â sicrhau ein bod yn gwneud digon o arian i dalu cyflogau, sicrhau y gallwn roi tanwydd yn ein tryciau a chynnal ein gwaith ailgylchu.

Y llynedd daethom yn gyflogwr cyflog byw gwirioneddol, enillodd ein helusen ei nod ansawdd ‘Buddsoddi mewn Gwirfoddolwyr’ a chymerwyd camau pellach gennym i wneud ein cwmni yn lle gwych i staff weithio. Gwnaethom y cyfan ar yr un pryd â gwyro 22,000 o dunelli o ddeunydd o safleoedd tirlenwi neu losgyddion (tua 13,750 o geir teulu neu tua 4,075 o eliffantod Affricanaidd).

Sylfaen Driphlyg

Mae ein gwaith yn cael effaith gadarnhaol yn y cymunedau rydym yn eu gwasanaethu;

1

Rydym yn hyfforddi ac yn datblygu pobl drwy ein rhaglen wirfoddoli, gan ddarparu amgylchedd diogel a chroesawgar i bawb, sy'n cynyddu cynhwysiant cymdeithasol a chyfleoedd am gyflogaeth.

2

Rydym yn gweithio gydag ysgolion ac asiantaethau lleol i sicrhau y bydd plant sy'n ffynnu y tu allan i addysg brif-ffrwd yn cael mynediad at gyfleoedd.

3

Rydym yn ceisio gwella lles staff a gwirfoddolwyr ac yn cydnabod pwysigrwydd sicrhau meddyliau iach sydd wedi'u hysgogi.

4

Rydym yn mesur ac yn adrodd ar ein heffaith ar werth cymdeithasol yn flynyddol.

Effaith Economaidd

1

Rydym yn gyflogwr Cyflog Byw.

2

Rydym yn anelu i recriwtio pobl sy'n lleol i'n siopau a'n prosiectau.

3

Lle bo modd, rydym yn gwario ar y gadwyn gyflenwi 'leol' ac yn defnyddio elusennau a mentrau cymdeithasol eraill i dderbyn gwasanaethau.

4

Drwy ein rhaglen staff gwirfoddol, rydym yn cyfrannu oriau gwirfoddol i gefnogi elusennau ac achosion lleol eraill.

5

Ers mis Ebrill 2021 rydym wedi cyfrannu eitemau i'w hailddefnyddio gwerth cyfanswm o fwy na £12,000* i 196 o aelwydydd mewn angen.

6

Ers mis Ebrill 2021 rydym wedi cyfrannu cyfarpar TG i'w ailddefnyddio gwerth cyfanswm o £31,000 i rai a oedd gynt wedi'u hallgáu'n ddigidol, gan gynnwys dros 300 o eitemau.

Yr Effaith ar yr Amgylchedd

1

Yn 2022/23 llwyddodd ein gwaith Ailddefnyddio i wyro 1000 o dunelli o safleoedd tirlenwi, gan achub dros 500,000 o eitemau rhag cael eu taflu i ffwrdd. Llwyddodd ein gwaith ailgylchu i achub dros 22,000 o dunelli rhag cael eu gwaredu.

2

Rydym yn cynyddu'r dodrefn, eitemau cartref ac offer TG a ailddefnyddir hyd yr eithaf (llwyddodd ein cyfleuster TG i atal 100% rhag mynd y safleoedd tirlenwi y llynedd).

3

Rydym yn ceisio lleihau ein defnydd o ynni drwy ddefnyddio adnoddau ynni adnewyddadwy lle bo modd, gyda phaneli solar wedi'u gosod yn ein Pencadlys ac ar ein prif Ganolfan Ailddefnyddio yng Nghasnewydd.

4

Rydym yn hwyluso gwaith hybrid er mwyn lleihau'r angen i staff deithio.

5

Rydym yn addysgu plant ysgol a grwpiau cymunedol lleol ynghylch pwysigrwydd yr economi gylchol a'r effaith y gallant ei chael ar yr amgylchedd.

Ystadegau

Ystadegau Wastesavers