Ein Stori a'n Hanes - Wastesavers

Ein Hanes

Dechreuon ni yn 1985 fel sefydliad bach Cyfeillion y Ddaear a oedd yn canolbwyntio ar leihau gwastraff ac ar ‘achub y blaned’. Roedd ein cadeirydd David Mayer yn un o’n haelodau sylfaenu, a bu’n gweithio’n galed i eiriol dros fyd sy’n gwerthfawrogi ei adnoddau, gan weld potensial yn yr hyn y gallai eraill ei daflu i ffwrdd. Yn gynnar yn y 90au, daethom yn fwy rhagweithiol wrth lansio ein prosiectau ailddefnyddio dodrefn, a dechreuwyd casglu hen bapurau newydd i’w hailgylchu yn syth oddi ar garreg y drws. Buom wedyn yn didoli’r papurau hyn â llaw ac yn eu danfon ein hunain i’r felin bapur leol – adlewyrchiad o’n hymroddiad a’n hymrwymiad i greu byd gwyrddach.

Estyn ein Hanes

Dechreuodd ein prosiectau ehangu, gan gynnal casgliadau ochr ffordd rheolaidd ar gyfer papur, caniau, tuniau a gwydr, ac yn 1998, gwnaethom lwyddo i ailgylchu 480 tunnell – cyflawniad aruthrol i elusen ailgylchu fechan! Heddiw rydym yn cynnig ystod o fentrau ailgylchu, ailddefnyddio a lleihau gwastraff, ac yn 2024 aeth 22,000 o dunelli o ddeunyddiau ailgylchadwy drwy ein canolfan ailgylchu. Mae’r hyn a ddechreuodd unwaith fel ymdrech gymharol fach wedi tyfu’n fwyfwy cyflym, gan arwain y ffordd gyda’r ffocws cynyddol ar yr economi gylchol.

Ein Stori

Ond nid stori am ddeunyddiau yn unig yw hon; ond stori am bobl. Mae ein siopau a’n canolfannau ailddefnyddio, ynghyd â’n rhaglen gyffrous i wirfoddolwyr, yn croesawu’r rhai sy’n chwilio am ymdeimlad o berthyn, dechrau newydd, neu eu lle eu hunain. Yn 2004, yn sgil symud ein gwaith i’n Canolfan Adnoddau o dan y Bont Gludo yng Nghasnewydd, dechreuom ein rhaglen PEAK, gan weithio gyda rhai sy’n profi anhawster mewn addysg brif ffrwd. Mae’r rhaglen yn darparu sgiliau a chyfleoedd galwedigaethol i blant sydd angen llwybr gwahanol.

Mae ein stori yn tystio i rym dyfalbarhad, y gallu i arloesi, a chred ddiysgog ym mhotensial pobl a’r blaned.

1985-1995

1985

Grŵp o amgylcheddwyr o’r un anian yn penderfynu cychwyn grŵp ymgyrchu i wneud rhywbeth i ‘achub y blaned’.

Dechrau casglu papur o ymyl y ffordd – Dechrau casglu papur gan fusnesau – Yr aelod staff cyflogedig cyntaf – Dechrau’r cynllun dodrefn

1995

22 o dunelli o bapur wedi’u casglu o garreg y drws a swyddfeydd.

1996-2000

1997

12 o bobl yn wedi’u cyflogi, 3699 o eitemau’r cartref wedi’u darparu i bobl mewn angen, 28,000 o aelwydydd yng Nghasnewydd yn derbyn gwasanaeth ailgylchu misol yn defnyddio bagiau, yn ogystal â chasgliadau papur o 127 o swyddfeydd, 480 o dunelli wedi’u hailgylchu/hailddefnyddio, trosiant o £212k

1998

Cyflwyno’r bocs gwyrdd i 10,000 o aelwydydd mewn partneriaeth â Chyngor Dinas Bwrdeistref Casnewydd, 1 tryc ailgylchu cawell ‘banana melyn’ yn cael ei ddefnyddio, casgliadau pythefnosol, 627 o dunelli wedi’u hailgylchu/hailddefnyddio.

2000

Cyflwyno bocsys gwyrdd i 40,000 o aelwydydd, casgliadau pythefnosol – 1,759 o dunelli wedi’u hailgylchu/hailddefnyddio.

2001-2006

2003

Cyflwyno’r bocs ailgylchu glas, ychwanegu plastig at y casgliad, casgliadau wythnosol. 4,557 tunnell wedi’u hailgylchu/hailddefnyddio. 22 aelod o staff, cerbydau ailgylchu cawell glas newydd.

2004

Ychwanegu ardaloedd gwledig at y rowndiau casglu, symud i ganolfan ailgylchu bwrpasol ar Ffordd Esperanto – 7,244 o dunelli wedi’u hailgylchu/hailddefnyddio.

2005

Agor PEAK, agor yr Ystafell Addysg, dechrau Hyfforddiant Wastesavers, 34 aelod o staff – 8,631 o dunelli wedi’u hailgylchu/hailddefnyddio.

2006

Lansio casgliadau sbwriel pythefnosol, ailddefnyddio/ailgylchu 10,438 o dunelli

2007-2014

2010

Dechrau casglu gwastraff bwyd – 14,211 o dunelli wedi’u hailddefnyddio/hailgylchu

2011

Agor siop newydd ‘Something to Wear’ ar Sgwâr John Frost – prosiect 6 mis o hyd cyn dymchwel y safle, yn gwerthu dillad ail-law o ansawdd da.

2012

Caffael gwasanaeth ailgylchu E-Inclusion – gan alluogi’r grŵp i ailddefnyddio ac ailgylchu offer TG.

2014

Symud o Siop Ddodrefn Gymunedol ym Mhilgwenlli i Ganolfan Ailddefnyddio ym Mharc Ffenics (gan gynnwys E-Inclusion) Cyflwyno bin 180L ar gyfer gwastraff – 14,806 o dunelli wedi’u hailddefnyddio/hailgylchu, ‘tir drws nesaf’ wedi’i gaffael i ehangu’r safle ailgylchu.

2015-2018

2015

Agor Siop y Ganolfan Ailgylchu yng Nghasnewydd – ein siop gyntaf yn y Ganolfan Ailgylchu Gwastraff y Cartref. Ehangodd y safle ailgylchu i dir drws nesaf, gydag adeiladau newydd, iard a buddsoddiad mewn ffatri ailgylchu ac ynddi linell ddidoli newydd ar gyfer caniau a phlastigau.

2016

Y tunelli o bapur yn dechrau gostwng yn sgil dechrau newid i wasanaethau digidol.

2017

Agor y Sied yn Llantrisant. Ychwanegu cardbord at gasgliadau wythnosol Wastesavers a phrynu fflyd newydd o dryciau ailgylchu Romaquip. 16,146 tunnell wedi’u hailgylchu/hailddefnyddio.

2018

Cau Wastesavers Training, 18,967 o dunelli wedi’u hailgylchu/hailddefnyddio.

2019-2021

2019

Y Sied – Treherbert yn agor, The Sidings ym Maesteg yn agor. Casnewydd yn dechrau cyflwyno biniau 120L ar gyfer casgliadau gwastraff. 20,288 tunnell wedi’u hailgylchu/hailddefnyddio.

2020

Blynyddoedd covid Bu pob aelod o staff yn gweithio oriau ychwanegol drwy gydol y cyfnod clo mewn amodau caled, 15% o gynnydd yn y deunydd a gasglwyd ar ochr y ffordd. Arwyr Ailgylchu. Yr holl staff elusen ar ffyrlo, yr holl siopau ar gau am 6 mis. Ar ôl agor, cawsom ei taro gan ddau gyfnod clo arall. Effeithiodd hyn ar incwm, nifer y tunelli ac iechyd meddwl!

2021

Blynyddoedd petrus ar ôl covid – Wedi symud i’n cartref am byth – Y Ganolfan Ailddefnyddio ar Ffordd Cas-gwent ym Maendy, gan gynnwys dodrefn ac offer TG i’w hailddefnyddio, caffi trwsio a darparu cartref i’r Creudy. Lansio Llyfrgell Cewynnau.

Agor Bywyd Newydd ym Mhentre-bach, agor y Den yn Roseheyworth, agor Y Caban ar Ffordd Lamby, agor The Steelhouse yn New Inn.

2022-2024

2022

Trosiant o £5.5m, 120 aelod o staff, agor caffis trwsio yn Nhorfaen a Chasnewydd, lansio’r Llyfrgell Cewynnau, agor Siop Ailddefnyddio Penallta a’r Sied yn Abertdâr 21,400 tunnell wedi’u hailgylchu/hailddefnyddio.

2023

Ehangodd y llyfrgell cewynnau ar draws De-ddwyrain Cymru, a lansiwyd casgliadau gwastraff teirwythnosol ar draws Casnewydd. 130 o aelodau staff, 100+ o wirfoddolwyr, 21,700 tunnell wedi’u hailgylchu/hailddefnyddio.

2024

Dechrau ehangu gwaith ailgylchu masnachol, ailfrandio a lansio gwefan!

Ein Cefndir

Meithrin cydraddoldeb yn fyd-eang, gan rymuso cymunedau a phartneriaethau lleol.

Dysgu mwy